“Qəbələ” və “İnter” Soçi turnirində iştirak edib

Lent.az-ın məlumatına görə, A qrupunda yer alan təmsilçimiz Rusiyanın UGİM (Vladivostok, Rusiya) komandasına 2:0 hesabı ilə qalib gəlsə də, “Torpedo”ya (Vladimir) 0:1, “Yunost”a (Vladiqafqaz) isə 3:4 hesabı ilə uduzub.

Bu oyunlarda Ehtiram Şahverdiyev 2, Həsi Hümbətli, Yusif Dilanov və Qismət Alıyev hərəyə 1 dəfə fərqləniblər. Bununla da qrupda 3-cü yeri tutan komandamız 9 - 12 ci yerlər uğrunda mübarizəyə qoşulub. İlk görüşdə Çeçenistan “Pobeda”sı ilə qarşılaşan həmyerlilərimiz matçsonrası penaltilərlə məğlub olub – 0:2. Oyunun əsas vaxtı 1:1 hesabı ilə bitib. Qol Yusif Dilanovun aktivinə yazılıb. “Qəbələ” turnirdə son matçında “Zvezda” Znamensk (Rusiya) ilə üz-üzə gəlib. Ehtiram Şahverdiyevin “dubl”u komandamızın qələbəsini təmin edib – 2:1. Bununla da “Qəbələ” turnirdə 11-ci yeri tutub.

Qeyd edək ki, turnirdə Azərbaycanı Bakının “İnter” klubu da təmsil edib. Paytaxt komandası yarışı 3-cü pillədə başa vurub.