Çempionlar Liqası: “İnter” və “MY” növbəti mərhələdə

Lent.az-ın məlumatına görə, bu vəsiqələrə İtaliyanın “İnter” və İngiltərənin “Mançester Yunayted” klubları yiyələnib.

Martın 15-də keçirilmiş 1/8 final mərhələsinin cavab görüşlərində “İnter” Almaniyada “Bavariya” üzərində əzmkar qələbə qazanıb. İlk görüşdə öz meydançasında minimal hesabla uduzmasına baxmayaraq, Çempionlar Liqasının son qalibi səfərdə daha çox qol vurduğu üçün mərhələ adlayıb. “Mançester Yunayted” isə Fransada qolsuz bərabərliklə ayrıldığı “Marsel”ə İngiltərədə qalib gəlib.

“Bavariya” (Almaniya) – “İnter” (İtaliya) – 2:3
Mario Qomes, 21. Tomas Müller, 31 - Samuel EtoO, 4. Uesli Sneyder, 63. Qoran Pandev, 88
İlk oyun – 1:0

“Mançester Yunayted” (İngiltərə) – “Marsel” (Fransa) – 2:1
Xavyer Ernandes, 5; 75 – Ues Braun, 82-öz qapısına
Baş hakim: Karlos Velasko Karbalyo (İspaniya)
İlk oyun – 0:0

Qeyd edək ki, ötən həftə daha 4 klub – “Şaxtyor” (Ukrayna), “Şalke 04” (Almaniya), “Tottenhem” (İngiltərə) və “Barselona” (İspaniya) 1/8 finala vəsiqə qazanıb. Qalan 2 vəsiqənin taleyinə bu gün keçiriləcək “Çelsi” (İngiltərə) – “Kopenhagen” (Danimarka) və “Real Madrid” (İspaniya) – “Lion” (Fransa) matçlarından sonra aydınlıq gələcək.