Çempionlar Liqası: Lui van Qal və Didye Deşamın hədəfləri

Lent.az-ın məlumatına görə, Almaniyanın “Bavariya” klubu İtaliyanın “Milan” komandasını qəbul edəcək.

Fransa “Marsel”i isə İngiltərədə “Mançester Yunayted”in qonağı olacaq.

23:45. “Bavariya” (Almaniya) – “İnter” (İtaliya)
Baş hakim: Pedru Proensa (Portuqaliya)
İlk oyun – 1:0

Hollandiyalı baş məşqçi Lui van Qal ötən ilki nailiyyətini daha da yaxşılaşdıraraq “Bavariya” ilə Çempionlar Liqasını qazanmaq niyyətindədir. Onun başqa kuboka ümidləri tükənib. Van Qalın yayda tərk edəcəyi Münhen klubu artıq Almaniya Kubokundan kənarda qalıb, Bundesliqada lider Dortmund “Borussiya”sına çatmaq isə real deyil.

23:45. “Mançester Yunayted” (İngiltərə) – “Marsel” (Fransa)
Baş hakim: Karlos Velasko Karbalyo (İspaniya)
İlk oyun – 0:0

“Marsel” “Old Trafforq”da sensasiya etmək istəyir. Bunun üçün turnirin “Mançester Yunayted”lə görüşdə qollu heç-heçə də kifayətdir. Ötən mövsüm Çempionlar Liqasının ¼ finalında Fransanın iki komandası – “Bordo” və “Lion” oynayıb. İndi baş məşqçi Didye Deşam bu mərhələni “Marsel”lə keçməyi sınaqdan çıxaracaq.

Qeyd edək ki, ötən həftə 4 klub – “Şaxtyor” (Ukrayna), “Şalke 04” (Almaniya), “Tottenhem” (İngiltərə) və “Barselona” (İspaniya) 1/8 finala vəsiqə qazanıb.