Unibank Premyer Liqası: “Xəzər Lənkəran” – “Neftçi” matçı ilə son

Lent.az-ın məlumatına görə, Azərbaycan millisinin martın 19-da başlanacaq təlim-məşq toplantısı ilə əlaqədar final mərhələsinin ikinci tur qarşılaşmaları şənbə və bazar günləri yox, həftə içi keçiriləcək.

Tura martın 17-də “Şəfa” stadionunda start veriləcək. Həmin arenada Salyanın “Muğan” klubu “Qəbələ”ni qəbul edəcək. Qalan 5 oyun martın 18-də olacaq. Əvvəlcə ilk “6-lıq” komandalarından “Qarabağ”la AZAL Bakının Suraxanı qəsəbəsindəki Tofiq İsmayılov adına stadionda münasibətlərinə aydınlıq gətirəcəklər. Ardından “Şəfa” stadionunda “İnter”lə “Bakı”nın iştirakı ilə paytaxt derbisi baş tutacaq. Nəhayət, günün son matçında son illərin ən prinsipial rəqibləri – “Xəzər Lənkəran”la “Neftçi” qarşılaşacaq.

Eyni zamanda, Premyer Liqada qalmağa can atan “Turan”la MOİK arasındakı görüş də az əhəmiyyət kəsb etməyəcək. Daha bir autsayder “Simurq” isə eyni saatda “Gəncə”nin qonağı olacaq.

17 mart (cümə axşamı)

14:00. “Muğan” (Salyan) – “Qəbələ”
“Şəfa” stadionu.

18 mart (cümə)

14:00. “Gəncə” – “Simurq” (Zaqatala)
Gəncə şəhər stadionu.

16:00. “İnter” (Bakı) – “Bakı”
“Şəfa” stadionu.

14:00. “Qarabağ” (Ağdam) – AZAL (Bakı)
Tofiq İsmayılov adına Suraxanı qəsəbə stadionu.

18:00. “Xəzər Lənkəran” – “Neftçi” (Bakı)
Lənkəran şəhər mərkıəzi stadionu.

14:00. “Turan” (Tovuz) – MOİK (Bakı)
Tovuz şəhər stadionu.