“Topaz” “Rabitə”nin oyununa pul qoyuluşu qəbul edəcək

Lent.az-ın məlumatına görə, onlar Bakının “Rabitə” klubunun da qüvvəsini sınayacağı yarımfinal matçlarına pul qoyuluşu edəcək.

Topaz martın 19-da İstanbulda baş tutacaq “Rabitə” – “Skavolini” görüşündə italiyalıları favorit görür. Azərbaycan çempionun qələbəsinə 1,75 əmsal verildiyi halda, rəqibin qalib gəlməsi 1,60 əmsalla qiymətləndirilib.

Digər cütlükdə isə “Fənərbaxça”nın “Vakıfbank Günəş Sığorta”nı asanlıqla məğlub edəcəyi proqnozlaşdırılır. “Sarı lacivərdlilər”in qələbələrin düzgün tapanlar əmanətlərini 1,20 dəfə, məğlubiyyətinə pul qoyanlar isə 2,50 dəfə irəli düşəcəklər.

Final və III yer uğrunda görüşlərin əmsalları isə martın 20-də açıqlanacaq.

Qeyd edək ki, bu arada “Topaz”da ötən həftə ən çox pul qazanan müəyyənləşib. Futbol matçlarına pul qoyuluşu edən həmin xoşbəxt insan 300 manatlıq proqnoz verməklə, 5 min 690 manat 88 qəpiyə sahib olub.