Unibank Premyer Liqası: “Qarabağ”dan ardıcıl 8-ci qələbə

Lent.az-ın məlumatına görə, XXIII turun ilk oyunu Zaqatalada “Simurq” və Salyanın “Muğan” klubları arasında keçirilib. İkinci “altılıq”dakı komandalar arasında keçirilmiş oyun qonaqların qələbəsi ilə nəticələnib – 3:1. Bununla da “Muğan” 8-ci pilədəki mövqeyini möhkəmlədərək, 7-ci pillədəki “Qəbələ” ilə xal fərqini minimuma endirib. “Simurq” isə 11-ci pillədə qalıb və Premyer Liqanı tərk etmə təhlükəsini daha da artırıb.

Günün digər qarşılaşmasında da qonaqlar qalib gəlib. “İnter” Bakıdakı “Şəfa” stadionunda qəbul etdiyi Ağdamın “Qarabağ” komandasına yenilib. İlk yarıda hesab açılmasa da, fasilədən sonra “Qarabağ” iki qol vurub. Toplardan birinin müəllifi – Georgi Adamiya çempionatda 11-ci qoluna imza atıb. Bununla da Adamiya “Neftçi”nin özbəkistanlı hücumçusu və Premyer Liqanın bombardiri Bahodir Nasimovla fərqi 4-ə endirib. Digər qolu vuran Rauf Əliyev isə gürcüstanlı legionerdən sonra 3-cü yeri tutur. Ümumilikdə ardıcıl 8-ci qələbəsini qazanan “Qarabağ” turnir cədvəlində 3-cü pillədəki mövqeyini möhkəmlədib və özündən sonrakı “İnter”dən 5 xal aralanıb.

Qalan 4 oyun martın 13-də keçiriləcək:

12 mart (şənbə)

“İnter” (Bakı) – “Qarabağ” - 0:2
Rauf Əliyev, 58. Georgi Adamiya, 73

“Simurq” (Zaqatala) – “Muğan” (Salyan) - 1:3
Mario Souza, 57 - Cavad Mirzəyev, 44. Hüseyn Axundov, 55. Georgi Qulordava, 90+2

13 mart (bazar)
14:00. “Turan” (Tovuz) – “Gəncə”
Hakimlər: Anar Salmanov, Aydın Ələkbərov, Zeynal Zeynalov, Hacıəli Ağayev

AFFA nümayəndəsi: Eldar Qasımov
Hakim-inspektor: Rüfət Hüseynov
Tovuz şəhər stadionu

14:00. MOİK (Bakı) – “Qəbələ”
Hakimlər: Əliyar Ağayev, Ramiz Əsədov, Coşqun Həsənov, Feyzulla Feyzullayev

AFFA nümayəndəsi: Ramiz Abdullayev
Hakim-inspektor: Orucəli Durmuşov
”Bakı” klubunun təlim-məşq bazasının stadionu

14:00. AZAL (Bakı) – “Xəzər Lənkəran”
Hakimlər: Rövşən Əhmədov, Habil Əliyev, Yaşar Abbasov, Elvin Əsgərov

AFFA nümayəndəsi: Ramiz Mustafayev
Hakim-inspektor: Məlik Həsənov
"Şəfa" stadionu

16:00. “Bakı” – “Neftçi” (Bakı)
Hakimlər: Əfqan Həmzəyev, Roman Vasilyev, Eldar Nağıbəyov, Rəhim Həsənov

AFFA nümayəndəsi: Mübariz Hüseynov
Hakim-inspektor: Nüvər Xasıyev
Tofiq Bəhramov adına Respublika stadionu

Turnir cədvəli

	Komanda	O	Q	H	M	Qollar	Xallar
1	Neftçi	22	14	6	2	40-9	48
2	Xəzər Lənkəran	22	14	5	3	28-12	47
3	Qarabağ	23	14	3	6	32-14	45
4	İnter	23	12	4	7	24-18	40
5	AZAL	22	9	9	4	27-16	36
6	Bakı	22	9	6	7	28-21	33
7	Qəbələ	22	8	7	7	19-14	31
8	Muğan	23	8	6	9	17-24	30
9	Gəncə	22	5	9	8	23-27	24
10	Turan	22	3	6	13	17-35	15
11	Simurq	23	2	6	15	13-37	12
12	MOİK	22	1	3	18	6-47	6