Azərbaycan klubunun heyətində legionerlər yarışacaq

Lent.az-ın məlumatına görə, komandamız martın 12-də “Astana Arlans” klubunun qonağı olacaq.

Məşqçilər korpusu bu dəfə əsas heyətə şans verməyib. Bu da “Baku Fires”in martın 19-da keçiriləcək qrup mərhələsinin son görüşündə Bakıda “Beijng Dragons”la üz-üzə gələcəyi ilə bağlıdır. Qazaxıstanda komandamızın heyətində yalnız legioner boksçular rinqə çıxacaqlar. 54 kq çəki dərəcəsində monqolustanlı Nayambayar Mircan Rəhimcanovla döyüşəcək. Monqolustan idmançısı artıq bir dəfə Rəhimcanovu məğlub edib. 61 kq çəki dərəcəsində Koba Pxakadze Yerjan Mussafirovun müqavimətini qırmağa çalışacaq. 91-kq-dan yuxarı çəki dərəcəsində də “Baku Fires”in heyətində gürcüstanlı idmançı rinqə çıxacaq. Beka Lobjanidzenin rəqibi Ruslan Mursatayev olacaq.
54 kq
Nayambayar (Baku Fires) – Mircan Rahimcanov (Astana Arlans)

61 kq
Koba Pxakadze – Yerjan Mussafirov

73 kq
Batırjon Mahmudov – Kanat Slam

85 kq
Denis Poyatsıka – Ramjon Ahmedov

91+kq
Beka Lobjanidze – Ruslan Mursatayev

Xatırladaq ki, “Baku Fires” 28 xalla qrupun vahid lideridir. “Astana Arlans” 23 xalla qrupda 2-ci yeri tutur.