NBC Bank Azərbaycan kuboku: Ötən mövsümün yarımfinalçıları dəyişmədi
09 mart 2011 17:02 (UTC +04:00)

NBC Bank Azərbaycan kuboku: Ötən mövsümün yarımfinalçıları dəyişmədi

Oyun heç-heçə ilə nəticələnib – 1:1. Hesabı 63-cü dəqiqədə AZAL-ın futbolçusu Eleandro Pema açıb. 76-cı dəqiqədə isə Boris Kondev “Turan”ın bərabərlik qolunu vurub. İlk oyunda 2:0 hesabı ilə qalib gəldiyi üçün AZAL iki görüşün yekununda növbəti mərhələyə yüksəlib.

Beləliklə, yarımfinalda “Xəzər Lənkəran” “Bakı”nı, “İnter” – AZAL-ı sınağa çəkəcək. İlk oyunlar aprelin 27-də, cavab qarşılaşmaları mayın 4-də baş tutacaq. Kubokun final oyunu isə 24 mayda keçiriləcək.

Qeyd edək ki, ötən mövsüm də yarımfinalda bu komandalar çıxış edib. Lakin həmin vaxt “Xəzər Lənkəran” AZAL-la, “Bakı” isə “İnter”lə üz-üzə gəlib. Bu mövsüm yarımfinalda qarşılaşacaq “Xəzər Lənkəran”la “Bakı” 2010-cu ilin mayında final matçının iştirakçıları olublar. Görüş “Bakı”nın qələbəsi ilə yekunlaşıb – 2:1.
# 496

Oxşar yazılar