Atalar “üçdən” deyib...

Futbol üzrə NBC Bank Azərbaycan kubokunda 1/4 final mərhələsinin cavab oyunlarına hakim təyinatları açıqlanıb. Lent.az-ın məlumatına görə, AFFA Hakimlər Komitəsi bu mövsüm “Xəzər Lənkəran”la “Neftçi” arasında keçiriləcək 4-cü qarşılaşmaya 3-cü dəfə FİFA referisi Vüsal Əliyevi baş hakim təyin edib.

Əliyev bu iki komandanın Unibank Premyer Liqasında ilk və ikinci dövrədəki oyunlarını idarə edib. Lənkərandakı matçda meydan sahibləri 1:0 hesabı ilə qalib gəlib. Bakıdakı görüşdə isə hesab açılmayıb – 0:0.

Ölkə kubokunun ilk oyununu isə digər FİFA referisi Anar Salmanov idarə edib. Lakin Salmanovun fit çaldığı qarşılaşma “Xəzər Lənkəran” düşərgəsində ciddi narazılıqla qarşılanıb. Lənkəran klubunun rəhbərliyi hətta cavab oyununa əcnəbi hakim təyinatını tələb edib. Futbol funksionerləri isə kompromis variant kimi cənublular üçün uğurlu sayılan Vüsal Əliyevə təyinat veriblər.

8 mart (çərşənbə axşamı)

16:00. “İnter” (Bakı) – “Abşeron”
(ilk oyun: 1:0)
Hakimlər: Rauf Cabbarov, Elşən Acalov, Mübariz Haşımov, Əfqan Həmzəyev
AFFA nümayəndəsi: Əziz Əliyev
Hakim-inspektor: Fazil Mürşüdov
“Şəfa” stadionu.

16:00. “Bakı” – “Qəbələ”
(ilk oyun: 0:0)
Hakimlər: Elçin Məmmədov, Ramiz Əsədov, Habil Əliyev, Ceyhun Haşımov
AFFA nümayəndəsi: Maşallah Əhmədov
Hakim-inspektor: Asim Xudiyev
Tofiq Bəhramov adına Respublika stadionu.

18:00. “Xəzər Lənkəran” – “Neftçi” (Bakı)
(ilk oyun: 4:3)
Hakimlər: Vüsal Əliyev, İlham Əliyev, Azad Q. Hüseynov, Rəhim Həsənov
AFFA nümayəndəsi: Şaiq Həmidov
Hakim-inspektor: Gülağa Cabbarov
Lənkəran şəhər mərkəzi stadionu.

9 mart (çərşənbə)

14:00. “Turan” (Tovuz) – AZAL (Bakı)
(ilk oyun: 0:2)
Hakimlər: Fariz Yusifov, Rza Məmmədov, Elman Musayev, Elvin Əsgərov
AFFA nümayəndəsi: Qürbət Həsənov
Hakim-inspektor: Məhəmməd Məmmədov
Tovuz şəhər stadionu.