Roberto Karlosu Çeçenistana buraxmadılar
28 fevral 2011 19:04 (UTC +04:00)

Roberto Karlosu Çeçenistana buraxmadılar

Lent.az-ın “Life News”a istinadən verdiyi məlumata görə, Mahaçqala komandasının yeni transferi Roberto Karlos Qroznı hava limanının pasport nəzarəti sektorunda saxlanılıb.

37 yaşlı braziliyalı müdafiəçinin pasportuna Rusiya vizasının vurulmadığı müəyyənləşib. Bu səbəbdən, “Anji” futbolçularının hava limanından mehmanxanaya gedişi ləngiyir. Çeçenistan Respublikasının Daxili İşlər Nazirliyinin və Federal Miqrasiya Xidmətinin yüksək rütbəli əməkdaşları hava limanına gəliblər.

Roberto Karlosdan əlavə, komandanın daha 2 braziliyalı legioneri – Jusiley və Joao Karlosu Çeçenistana buraxmaq istəmirlər. Hazırda klub rəhbərliyi bu problemin həllinə çalışır. Qeydiyyatdan problemsiz keçən oyunçular isə avtobusda öz həmklublarını gözləyirlər.

Qeyd edək ki, “Anji” Mahaçqaladakı doğma arenasının qazonunun hazır vəziyyətdə olmaması ilə əlaqədar “Zenit”i Qroznıda süni örtüklü stadionda qəbul edəcək. Oyun martın 1-də saat 19:00-da başlanacaq.
# 433

Oxşar yazılar