“Azərreyl”dən əzmkar qələbə

Lent.az-ın məlumatına görə, “Azərreyl” Finlandiyada “LP Salo” ilə üz-üzə gəlib.

Oyun komandamızın əzmkar qələbəsi ilə yekunlaşıb – 3:2. İlk setdə “Azərreyl” 19:25 hesabı ilə uduzsa da, növbəti setdə asanlıqla qalib gəlib – 25:15. Üçüncü setdə 24:26 hesabı ilə uduzan təmsilçimiz dördüncü seti daha böyük fərqlə qapayıb – 25:14. Görüşün taleyinə “tay-breyk”də aydınlıq gəlib. “Azərreyl” 15:9 hesablı qələbə sayəsində martın 2-də Bakıda keçiriləcək cavab qarşılaşması üçün böyük üstünlük əldə edib.

Qeyd edək ki, “Çağırış Kuboku”nda mübarizə aparan daha iki klubumuz – “İqtisadçı” və “Lokomotiv” də ilk qarşılaşmalarını qələbə ilə başa vurub. “İqtisadçı” Çexiya “Kralove Pole”sinə, “Lokomotiv” isə Almaniya “Şveriner”inə Bakıda böyük hesabla qalib gəlib – 3:0.