Çempionlar Liqası: “Arsenal” “Barselona”dan qisas aldı
17 fevral 2011 09:34 (UTC +04:00)

Çempionlar Liqası: “Arsenal” “Barselona”dan qisas aldı

Lent.az-ın məlumatına görə, İngiltərənin “Arsenal” klubu 2005-2006-cı il mövsümünün finalında uduzduğu İspaniya “Barselona”sından əvəz çıxıb.

Bu dəfə də 2:1 hesablı nəticə qeydə alınıb. “Arsenal” 26-cı dəqiqədə David Vilyanın qolundan sonra hesabda geri düşsə də, ikinci yarının sonluğunda 2 dəfə fərqlənib. 78-ci dəqiqədə Robin van Persi fərqlənib. Bundan 5 dəqiqə sonra Andrey Arşavin qələbə topunu vurub.

Ukrayna Şaxtyor”u isə İtaliyada “Roma” ilə qarşılaşmada inamlı qələbə əldə edib – 3:2. Baş məşqçi Mirça Luçeskunun komandası 28-ci dəqiqədə Simone Perrottanın qolu ilə hesabda geri düşüb. Lakin 1 dəqiqə sonra Jadson, 36-cı dəqiqədə Duqlas Kosta, 42-ci dəqiqədə Luis Adriano “Şaxtyor”un qollarını sıralayıb. “Roma” 61-ci dəqiqədə Jeremi Menezin qolu ilə fərqi azaltsa da, bundan artığını edə bilməyib.

Cavab görüşləri martın 8-də olacaq.

Qeyd edək ki, ilk oyun günündə “Milan” İtaliyada İngiltərə “Tottenhem”inə 0:1 hesabı ilə uduzub. “Valensiya” isə İspaniyada Almaniya “Şalke 04”ü ilə heç-heçə edib – 1:1.
1 2 3 4 5 İDMAN XƏBƏRLƏRİ
# 608

Oxşar yazılar