FİFA daha bir stadionumuzda beynəlxalq oyunların təşkilinə icazə verdi
09 fevral 2011 18:36 (UTC +04:00)

FİFA daha bir stadionumuzda beynəlxalq oyunların təşkilinə icazə verdi

Bu haqda Lent.az-a klubun prezidenti Vaqif Qasımov məlumat verib.

Qasımovun sözlərinə görə, bir müddət öncə stadionu yoxlayan FİFA komissiyası fevralın 9-da AZAL-a məktub göndərib. Sənəddə stadionun süni ot örtüyü, eləcə də digər infrastrukturunun bütün tələblərə cavab verdiyi əksini tapıb. Bununla da 3000 nəfərlik tamaşaçı tutumuna malik arenada beynəlxalq oyunların keçirilməsinə dair ilkin razılıq verilib. 30 gün ərzində isə stadiona FİFA-dan beynəlxalq sertifikat veriləcəyi vurğulanıb.

Bunadək Azərbaycanda Tofiq Bəhramov adına Respublika stadionu ilə Lənkəran şəhər mərkəzi stadionunda beynəlxalq oyunların təşkilinə icazə verilirdi. “Şəfa” stadionu isə təbii ot örtüyü sünisi ilə əvəzlənənədək belə bir hüquqa malik olub.

Qeyd edək ki, AZAL stadionunun rəsmi açılış mərasimi mayın 10-da olacaq. Amma fevralın sonlarından meydançada ilk oyunun keçirilməsi nəzərdə tutulub.

Elşən MƏMMƏDOV
1 2 3 4 5 İDMAN XƏBƏRLƏRİ
# 1055

Oxşar yazılar