Unibank Premyer Liqasının bütün oyunları Bakıda!

Lent.az-ın məlumatına görə, mövsümün ikinci yarısının açılış matçı “Bakı” klubuna məxsus təlim-məşq bazasının stadionunda baş tutacaq.

Fevralın 12-də saat 13:30-da həmin meydançada “Turan”ı eyniadlı klub yox, MOİK qəbul edəcək. Stadion problemi ilə üzləşən “hərbçilər”ə “Bakı”dan dəstək gəlib. Paytaxtın eyniadlı komandası isə həmin gün saat 18:30-da “Muğan”ı Tofiq Bəhramov adına Respublika stadionunda qəbul edəcək. Baxmayaraq ki, mərkəzi arenada ertəsi gün saat 18:00-da son illərin ən prinsipial rəqibləri “Neftçi” ilə “Xəzər Lənkəran” da üz-üzə gələcək.

Ümumiyyətlə, XX turun bütün oyunları Bakıda təşkil olunacaq. Qalan 3 oyunda 2-si “Şəfa”da baş tutacaq. Fevralın 12-də saat 15:00-da AZAL “Gəncə”ni, ertəsi gün saat 16:00-da isə “İnter” “Simurq”u “Şəfa” stadionunda qəbul edəcək. “Qarabağ” da təmsil etdiyi Ağdama yollanmağın əziyyətinə qatlaşmadan “Qəbələ”ni Suraxanı qəsəbəsindəki Tofiq İsmayılov adına stadiona dəvət edib. Bu görüş isə saat 14:00-da başlanacaq.

12 fevral (şənbə)

13:30. MOİK (Bakı) – “Turan” (Tovuz)
“Bakı” futbol klubunun təlim-məşq bazasının stadionu.

15:00. AZAL (Bakı) – “Gəncə”
“Şəfa” stadionu.

18:30. “Bakı” – “Muğan” (Salyan)
Tofiq Bəhramov adına Respublika stadionu.

13 fevral (bazar)

14:00. “Qarabağ” (Ağdam) – “Qəbələ”
Tofiq İsmayılov adına Suraxanı qəsəbə stadionu.

16:00. “İnter” (Bakı) – “Simurq” (Zaqatala)
“Şəfa” stadionu.

18:00. “Neftçi” – “Xəzər Lənkəran”
Tofiq Bəhramov adına Respublika stadionu.