“Neftçi”nin “Şturm”u yenməsi böyük əks-səda doğurub” - FOTO

Lent.az-ın klubun rəsmi saytına istinadən verdiyi məlumata görə, Sadıqov futbolçu, məşqçi və texniki heyətlə görüşərək onların qayğıları ilə maraqlanıb.

O, flaqmanın Antalyadakı ikinci toplanışında ardıcıl iki qələbə qazanmasına ürəkdən sevindiyini bildirib: “Çox şadam ki, komandamız təlim-məşq toplanışını uğurla keçir. Həm Ukrayna “Arsenal”ı, həm də Avstriya “Şturm”u üzərində qələbələrə ürəkdən sevindim. Xüsusilə, Avstriyanın ən güclü komandalarından sayılan “Şturm”u məğlub etməyiniz böyük əks-səda doğurub. Bakıda demək olar, bütün futbolsevərlər sizin qələbələrdən danışır”.

Qeyd edək ki, yanvarın 24-də start götürən “Neftçi”nin ikinci təlim-məşq toplanışı fevralın 4-də yekunlaşacaq. Sadıq Sadıqovun flaqmanın qarşıdakı yoxlama matçlarını izləməsi nəzərdə tutulub.