Rza İbadov türk futbolçunu “Liverpul”a transfer edir

Türkiyənin “Bursaspor” futbol komandasının oyunçusu Sərcan Yıldırımın transferi ilə bağlı maraqlı məlumatlar yayılıb.

Lent.az-ın “hurriyet”ə istinadən məlumatına görə, İngiltərənin “Mançester Yunayted”, “Liverpul”, “Mançester Siti” və digər komandalar, “Fənərbağça” klubu futbolçunu almaq istəyir. Futbolçunun atası Kənan Yıldırım eyni zamanda oğlunun meneceri olduğunu da açıqlayıb. O, hazırda İngiltərə komandaları ilə danışıqlar aparıldığını söyləyib.

“Oğlumun transfer məsələsi ilə mən maraqlanıram. Əvvəl “Fənərbağça”nı düşünürdük, amma ingilis klubları daha yaxşıdır. Oğlum daha çox “Liverpul”da oynamağı istəyir”, - deyən ata-menecer qeyd edib ki, ingilis klubu Sərcan üçün 7 milyon avro məbləğində kompensasiya ödəməyə hazırdır.

Azərbaycanlı iş adamı Rza İbadovun (sabiq millət vəkili) da qatıldığı danışıqlarda sövdələşməni menecer Bernard aparır.