Rövnəq Abdullayev “İnter”i təbrik etdi

Lent.az-ın məlumatına görə, Abdullayev “affa.az” saytına açıqlamasında “İnter”i yarımfinala yüksəlməsi münasibətilə təbrik edib. AFFA prezidenti deyib: “Ötən mövsüm Azərbaycan çempionu olmuş “İnter”in “Birlik Kuboku”ndakı uğurlu çıxışı hər birimizi sevindirir. Turnirdəki təmsilçimizin indiyə qədər keçirdiyi bütün qarşılaşmaları qələbə ilə başa vurması, 4 oyunda qapısından qol buraxmaması sevindirici haldır. “İnter”in yarımfinala yüksəlməsi münasibətilə klubun bütün kollektivini, Azərbaycan futbol ictimaiyyətini və azarkeşləri təbrik edir, “İnter”ə daha böyük uğurlar arzulayıram”.

Qeyd edək ki, “İnter” “Birlik Kuboku”nun qrup mərhələsində Qırğızıstanın “Neftçi” (3:0), Taciktistanın “İstiqlal” (3:0), Moldovanın “İskra-Stal” (1:0), 1/4 final mərhələsində isə Ermənistanın “Mika” klubunu (4:0) məğlubiyyətə uğradıb.