Olimpiya çempionu özünə oxşayan gəlincik buraxacaq

Lent.az-ın “Marker” nəşrinə istinadən verdiyi məlumata görə, ümumilikdə 500 hədiyyəlik gəlincik istehsalı nəzərdə tutulub.

Onları bədii gimnastika üzrə “Alina” uşaq festivalının iştirakçıları ala bilərlər. İdmançının nümayəndəsi Yelizaveta Ovçinnikova bildirib ki, hələlik layihə ideya mərhələsindədir, dizayn düşünülməyib, konkret sifariş yoxdur. Oyuncaqlar assosiasiyasında hesab edirlər ki, “Alina” gəlinciklərinin hazırlanmasına “Vesna” fabriki iddia edə bilər. İki il öncə “Vesna” stilist Sergey Zverev üçün yüzlərlə analoji gəlincik hazırlayıb. Assosiasiyada belə gəlinciyi 1000 rubl dəyərində qiymətləndirirlər.

Kabayeva yanvarın 14-də “Alina gəlinciyi” ticarət nişanının qeydiyyatı üçün Rusiya patent idarəsinə ərizə verib. Bunda əlavə, gimnast öz adını, xeyriyyə fondunun emblemini və həyata keçirdiyi layihələri qeydiyyata aldırmaq niyyətindədir.