Australian Open: Mariya Şarapova və Vinus Uilyams daha bir mərhələ adladı

Lent.az-ın məlumatına görə, qadınların mübarizəsində rusiyalı Mariya Şarapova fransalı Virjini Razzanonu 7:6 (7:3), 6:3 hesabı ilə yenərək, üçüncü mərhələyə yüksəlib.

Şarapovanın növbəti rəqibi almaniyalı Yuliya Herges olacaq.

ABŞ tennisçisi Vinus Uilyams və danimarkalı Karolina Voznyaçki də mərhələ adlayıb. Vinus Uilyams çexiyalı Sandra Zaxlavovanı 6:7 (6:8), 6:0, 6:4, Voznyaçki isə amerikalı Vanya Kinqi 6:1, 6:0 hesabı ilə üstələyib.

Belçikalı Jüstin Enen böyük britaniyalı Yelena Baltaçanı 6:1, 6:3, italiyalı Françeska Skyavone kanadalı Rebekka Marinonu 6:3, 5:7, 9:7 hesabı ilə məğlub edib.

Kişilərin yarışında ən gərgin görüş ispaniyalı Fernando Verdasko ilə serbiyalı Yanko Tipsareviç arasında baş tutub. İlk 2 setdə 2:6, 4:6 hesabı ilə uduzan Verdasko sonradan ardıcıl 3 setdən qalib ayrılıb – 6:4, 7:6 (7:0), 6:0.

ABŞ tennisçisi Endi Roddik isə rusiyalı İqor Kunitsını üstələyib – 7:6 (9:7), 6:2, 6:3.