“Xəzər Lənkəran” yeni qapıçı və iki yarımmüdafiəçi ilə müqavilə bağladı

Lent.az-ın klubun rəsmi saytına istinadən verdiyi məlumata görə, bunlar Simao Bruno, Kosmin Vatka və Andrey Mureşandır.

Baxışda olan daha iki futbolçu isə komandanı tərk edib. Almaniyalı Jerom Polenz ailə vəziyyətinə görə, Vlad Buyor isə məşqçilər korpusunun qərarı ilə yola salınıblar. Qazaxıstanın “Atırau” komandası ilə matçda ciddi zədələnən Ruslan Poladovun vəziyyəti yaxşı olsa da, bir neçə həftə meydana çıxa bilməyəcək.

Qeyd edək ki, Bruno Martins Silva 5 may 1985-ci ildə Portuqaliyanın paytaxtı Lissabonda anadan olub. Müdafiənin solunda və ya yarımmüdafəçi mövqeyində çıxış edib. Əsasən Rumıniya klublarında çıxış etmiş Martins “Xəzər Lənkəran”a azad agent kimi keçib.

1 avqust 1985-ci ildə Rumıniyanın Turda şəhərində anadan olmuş Andrey İosif Mureşan Rumıniyanın “Qloriya” klubundan gəlib. O da yarımmüdafiəçidir.

Kosmin Anrey Vatka isə qapıçıdır. 12 may 1982-ci ildə anadan olan Vatka Mureşanın həmşəhərlisidir. Onun sonuncu klubu Rumıniya çempionatında çıxış edən “Qaz Metan Mediaş” olub.