Azərbaycan çempionatının qalibləri məlum oldu

Azərbaycanın gənclərdən ibarət yığma komandasının baş məşqçisi Gündüz Abdullayevin Lent.az-a verdiyi məlumata görə, kişilərin mübarizəsində 2004-cü il Afina və 2008-ci il Pekin Yay Olimpiya Oyunlarının iştirakçısı Rəşad Əhmədov iştirak etməyib.

Qadınların yarışında isə 8 mümkün çəki dərəcəsindən 3-də az sayda taekvondoçu olduğundan, həmin çəkilər digərləri ilə birləşdirilib.

Qalib adını kişilərdən Samir Aydınov (54 kq), Vüqar Kərimov (58 kq), Fariz Əliyev (63 kq), İlkin Şahbazov (68 kq), Elvin Məmmədov (74 kq), Ramin Əzizov (80 kq), Təvəkkül Bayramov (87 kq), Aydın Bəhmalov (+87 kq) qazanıb. Qadınlardan isə Nərminə Məmmədova (46 kq), Türkanə İbrahimli (49 kq), Nigar Hacıyeva (53 kq), Günay Ağakişiyeva (62 kq), Fəridə Əzizova (72 kq) birinci olub.

Ümumi komanda hesabında “Neftçi” İdman Sağlamlıq Mərkəzi birinci, Fövqəladə Hallar Nazirliyinin İdman-Tədris Mərkəzi ikinci, Daxili İşlər Nazirliyinin İdman Cəmiyyəti isə üçüncü yeri tutub.