Elnur Məmmədli Azərbaycan çempionatında qalib ola bilmədi

Sağan Olimpiya İdman Kompleksində keçirilmiş Azərbaycan çempionatının qalib və mükafatçıları müəyyənləşib. Lent.az-ın məlumatına görə, yarışda 39 şəhər və rayonun ümumilikdə 289 cüdoçu mübarizəyə qatılıb.

2008-ci il Pekin Yay Olimpiya Oyunlarında 73 kq çəki dərəcəsində qızıl medal qazanmış Elnur Məmmədli ölkə çempionatında 90 kq çəkidə çıxış edib və bürünc medalla kifayətlənib. Qalib adına isə kişilərin mübarizəsində İlqar Müşkiyev (60 kq), Tərlan Kərimov (66 kq), Ramil Qasımov (73 kq), Rüstəm Alimli (81 kq), Ramin Qurbanov (90 kq), Şahin Məmmədov (100 kq), Emin Tahirov (+100 kq), qadınların yarışında isə Aişə Qurbanlı (48 kq), Şahanə Hüseynova (52 kq), Natalya Musayeva (57 kq), Elmira Mustafayeva (63 kq), Raqiyə Qarayeva (70 kq), Leyla İsgəndərli (78 kq) və Nərgiz İbrahimova (+78 kq) sahib çıxıb.

Qeyd edək ki, Elxan Məmmədov (90 kq), Mövlud Mirəliyev (100 kq), Kifayət Qasımova (57 kq), Ramilə Yusubova (63 kq) kimi bir sıra aparıcı cüdoçularımız Azərbaycan çempionatına qatılmayıblar.