“Rambo” həbs olundu

Lent.az-ın Türkiyə mediasına istinadən verdiyi məlumata görə, təhlükəsizlik kameraları həmin şəxsin məşhur “Fənərbağça” fanatı “Rambo” ləqəbli Okan Gülər olduğunu göstərib. Belə ki, polisin başının qarışıq olmasından istifadə edən “MP5” markalı tapançanı götürərək qaçıb.

Polislər dərhal “Rambo”nu axtarmağa başlayıb. Təhlükəni hiss edən fanat it damına girib. Bir saat davam edən danışıqlardan sonra Okan təslim olub. Polis şöbəsinə gətirilən “qatı azarkeş” maraqlı ifadə verib. O, oğurladığı silahla “Fənərbağça” prezidenti Əziz Yıldırıma etiraz etmək istədiyini deyib: “Bu silahla Yıldırımı istefaya göndərəcəkdim. Nə qədər ki, o klubun başındadır, mən “fənər”li deyiləm. Ali Koç klub prezidenti olmayınca etirazımı davam etdirəcəyəm”.

Polis silahı oğurlayan şəxsin Okan Gülər olduğunu müəyyən edəndən sonra “Fənərbağça”nın “Şükrü Saracıoğlu” stadionunda da axtarışlar aparılmışdı.

Qeyd edək ki, oktyabrın 24-ü “Qalatasaray”la derbi öncəsi “Rambo”nun həbs olunması “Fənərbağça” azarkeşləri arasında böyük itki hesab olunur.