Avropa Oyunlarında futbol olmayacaq?

2015-ci il Avropa Oyunlarının proqramında futbol növü olmayacaq. Lent.az-ın məlumatına görə, bu barədə Milli Olimpiya Komitəsinin vitse-prezidenti Çingiz Hüseynzadə açıqlama verib.

O, bildirib ki, hətta Yay Olimpiya Oyunlarında futbol yarışları simvolik xarakter daşıyır. Olimpiadaya ölkələrin əsas futbol milliləri deyil, 21 yaşadək futbolçulardan ibarət yığmaları yollanır. Avropa Oyunlarına gəldikdə, proqrama futzalın salınması təklif olunub. Amma hələ yekun qərar verilməyib: “Bütün bunlar yeni idman növləri müzakirə olunarkən, danışılacaq”.