Messidən daha bir rekord: 86-cı qol

Lent.az-ın məlumatına görə, 25 yaşlı hücumçu bu il ərzində 86-cı dəfə fərqlənib.

O, həmin qolu İspaniya çempionatının 15-ci turunda “Betis”in qapısından keçirib. Məhz argentinalı forvardın dəqiq zərbəsindən sonra “Barsa” hesabı 2:0-a çatdırıb.

Beləliklə, Messi almaniyalı futbolçu Herd Müllerin 1972-ci ildə müəyyənləşdirdiyi rekordu təzələyib. Həmin vaxt Almaniya yığması və “Bavariya”nın oyunçusu 85 qol vurmuşdu.

Qeyd edək ki, Lionel Messi 2012-ci ilin “Qızıl top” mükafatına namizədlərdən biridir.