Topaz Premyer Liqası: “Neftçi”yə dərs – NƏTİCƏLƏR, TURNİR CƏDVƏLİ

Futbol üzrə Topaz Premyer Liqasında XV turun oyunları keçirilib. Lent.az-ın məlumatına görə, turun 6 qarşılaşmasından 1-i yarımçıq qalıb.

“Xəzər Lənkəran” – AZAL matçı hesab 1:1 ikən 54-cü dəqiqədə dayandırılıb. Səbəb Lənkəran şəhər mərkəzi stadionunu qatı dumanın bürüməsi olub. Qarşılaşmanın qalan hissəsi dekabrın 3-də, saat 14:00-dan etibarən elə həmin arenada oynanılacaq.

Digər oyunlara gəldikdə, şərikli liderlər “İnter” və “Simurq” növbəti qələbələrini qazanıblar. Paytaxt klubu evdə “Rəvan”ın qapısından 2, Zaqatala komandası isə səfərdə “Simurq”un qapısından 1 top keçirib. Bununla da top fərqində üstünlüyə yiyələnən “İnter” 1-ci pilləyə yüksəlib.

“Qəbələ” öz meydanında “Bakı”ya uduzub. Bundan yararlanan “Qarabağ” “Neftçi” üzərində minimal hesablı səfər qələbəsi sayəsində 3-cü pilləyə qalxıb. Bununla da flaqman İtaliyada “İnter”lə keçirəcəyi Avropa Liqası matçı öncəsi məğlubiyyət dərsi alıb. Əfqan Talıbovun baş məşqçi postuna gətirilməsindən sonra uğurlu çıxışı ilə diqqət çəkən “Turan” isə autsayder “Kəpəz”i darmadağın edib.

2 dekabr (bazar)

“Qəbələ” – “Bakı” – 0:2
Qollar: Junior Vilson, 53. Nurlan Novruzov, 83

“Sumqayıt” – “Simurq” (Zaqatala) – 0:1
Qol: Stepan Polyak, 45

“Turan” (Tovuz) – “Kəpəz” (Gəncə) – 5:1
Qollar: Salif Ballo, 2; 19; 58. Fərid Quliyev, 44. Ender Günlü, 72 - Aleksandr Kurtskeviç, 52 - öz qapısına

“İnter” (Bakı) – “Rəvan” (Bakı) – 2:0
Qollar: Baçana Tsxadadze, 51 – penalti ilə. Samir Zərgərov, 90+4

“Neftçi” (Bakı) – “Qarabağ” (Ağdam) – 0:1
Qollar: Vüqar Nadirov, 12

3 dekabr
14:00. “Xəzər Lənkəran” – AZAL (Bakı) – 1:1 (oyun 54-cü dəqiqədən davam etdirəcək)
Hakimlər: Rəhim Həsənov, İlham Əliyev, Elşən Acalov, Feyzulla Feyzullayev
Lənkəran şəhər stadionu

Turnir cədvəli

N	Komandalar	O	Q	H	M	T	X
1	İnter	14	7	5	2	15-6	26
2.	Simurq	15	7	5	3	17-9	26
3.	Qarabağ	15	6	6	3	19-15	24
4.	Qəbələ	15	6	4	5	18-17	22
5.	Neftçi	12	7	0	5	26-15	21
6.	Turan	15	5	4	6	19-20	19
7.	Xəzər Lənkəran	13	5	4	4	18-11	19
8.	AZAL	13	4	5	4	17-14	17
9.	Rəvan	15	4	4	7	14-23	16
10.	Bakı	13	3	7	3	13-10	16
11.	Sumqayıt	15	3	5	7	12-28	14
12.	Kəpəz	15	2	3	10	9-29	9