“Qalatasaray”da şok itki
01 dekabr 2012 14:09 (UTC +04:00)

“Qalatasaray”da şok itki

Türkiyənin “Qalatasaray” futbol komandası ciddi itki ilə üzləşib. Lent.az-ın məlumatına görə, “Qaziantepspor”la Superliqa matçında “sarı-qırmızılar”ın əsas qapıçısı Fernando Muslera zədələnib.

Tibbi müayinə nəticəsində uruqvaylı qolkiperin sağ ayaq əzələsində qırılmalar aşkarlanıb. Onun müalicəsinə başlanılıb. Musleranın uzun müddət yaşıl meydanlardan kənarda qalacağı və mövsümün ilk yarısını qapatdığı bildirilir. Bu isə o deməkdir ki, 26 yaşlı qapıçı Portuqaliya “Braqa”sı ilə dekabrın 5-də keçiriləcək Çempionlar Liqasının son tur matçında oynamayacaq.

Qeyd edək ki, “Qalatasaray” – “Qaziantepspor” matçında qalib müəyyənləşməyib – 1:1.
# 1510

Oxşar yazılar