Böyükağa Hacıyev futbolun «qızıl qaydasını» yada salıb
22 noyabr 2012 23:43 (UTC +04:00)

Böyükağa Hacıyev futbolun «qızıl qaydasını» yada salıb

Avroliqanın H qrupunun V turu çərçivəsində keçirilən “Neftçi” – “Partizan” oyunundan sonra mətbuat konfransı keçirilib. Apasport.az saytının məlumatına görə, Belqrad klubunun baş məşqçisi Vladimir Vermezoviçdən sonra mikrofonlar önünə “Neftçi”nin çalışdırıcısı Böyükağa Hacıyev keçdi.

Hacıyev də ənənəvi olaraq, öncə qarşılaşma haqda ümumi fikirlərini bildirdi. Bundan öncə “Neftçi”nin prezidenti Sadıq Sadıqovun azarkeş və jurnalistlərə təşəkkürü çatdırıldı.

- “Rubin”lə oyundan sonra Cavidin olmasından təəssüfləndiz. O meydanda olsa da, ümidləri doğrultmadı. Bundan başqa, Mahir və Ramos meydana çıxsaydı, necə ola bilərdi?

- Cavid bu gün pis təsir bağışlamadı. Nəzərə alaq ki, o uzun müddətli zədədən əziyyət çəkirdi. “Sumqayıt”la oyunda cəmi 55 dəqiqə olmuşdu. Arazı meydana atmaqla, Cavidi çıxardım. Emin Mehtiyev heç də Mahirdən pis oynamadı. Tərlan ilk dəfə dayaq yarımmüdafiəçisi kimi oynadı. U-21-də oynadığını bilirdim. Vurmayana vurarlar.

Çalışacağıq ki, səhvlərdən nəticə çıxaraq. İndi diqqətimizi daxili çempionata yönəldirik. Çünki burda qalib olmaqla gələn il daha güclü və təcrübəli “Neftçi” ilə avrokuboklarda mübarizə aparmaq istəyirik.
# 1156

Oxşar yazılar