Vladimir Vermezoviç: Futbolçumuz meydandan qovulandan sonra da oyundan qopmadıq -MÜSAHİBƏ

Avroliqanın H qrupunun V turu çərçivəsində keçirilən “Neftçi” – “Partizan” matçından (1:1) sonra mətbuat konfransı keçirilib.

Apasport.az saytının məlumatına görə, öncə jurnalistlər önünə Belqrad klubunun baş məşqçisi Vladimir Vermezoviç çıxıb. Serbiyalı çalışdırıcı əvvəlcə qarşılaşma haqda qısa fikirlərini açıqlayıb.

- Oyun çox gərgin keçdi. Hər iki komanda qələbə qazanmaq istəyirdi. İlk hissədə rəqib qol vurandan sonra qapıçımız bir neçə yüz faizli toplar çıxardı. İkinci hissədə komanda daha yaxşı çıxış etdi. Futbolçumuz meydandan qovulandan sonra da oyundan qopmadıq.

- Mitroviç meydandan nəyə görə qovuldu?
- Bilmirəm. Həmin epizodu nə baş verdiyini görmədin. Bu üzdən dəqiqə nəsə söyləyə bilmərəm.

- Nəticə sizi qane edir?
- Meydançada 10 nəfərlə oynadığımızı nəzərə alsaq, nəticədən razıyam. Müdafiədə yaxşı çıxış etdik. Qapıçımız qol buraxsa da, real vəziyyətləri uzaqlaşdıra bildi. İlk hissədə “Neftçi” üstün olsa da, ikinci yarıda biz yaxşı oynadıq.

- Serbiyada demişdik ki, “Neftçi” və “Partizan” qrupda sonuncu olmamaq üçün mübarizə aparacaq...
- Həmin mətbuat konfransında deyilənləri xatırlayıram. Əlbəttə, son yerdə olmamaq üçün oynayırıq.

- Belə çıxır ki, o vaxt bu sözləri deyəndə, bizə daxilən haqq qazandırırdınız...
- Kim sonuncu yer üçün mübarizə aparar?

- Serbiya ilə Bakıdakı “Neftci”ni müqayisə aparsaz, hansı daha güclü idi?
- İkisi də fərqli oyun idi. Burda daha çox müdafiədən oynadıq. Əlbəttə, hər bir komanda istəyir ki, qol vursun.

- İlk oyunda da Mitroviçlə Stamenkoviç arasında qalmaqal olmuşdu? Sizin Mitroviçlə bağlı hər hansı tədbir görmək fikriniz var?
- İlk oyunda fərqli situasiya idi. “Partizan”la “Srvena Zvezda” arasında olan bir qəlmaqaldı. Oyundan öncə Stamenkoviçin mətbuatda açıqlamaları olmuşdu. O da orda kəskin fikirlər səsləndirmişdi. Azarkeşlər onun “Srvena Zvezda”da oynamasını bilirdi. Ona görə də belə olmuşdu. Mən öz oyunçumun bu gün qırmızı vərəqə almasına görə onu günahkar bilmirəm. Əgər bilsəydim, onu cəzalandırardım.

- “Neftçi”nin heyətində fərqləndirə biləcəyiniz oyunçu varmı?
- Səviyyəli futbolçular var. Flavinyo kimi futbolçunu hər bir məşqçi komandasında görmək istəyər.