Avropa Liqası: “Neftçi” “Partizan”ın cavabını verə biləcəkmi?

Tofiq Bəhramov adına Respublika stadionunda keçiriləcək qarşılaşmanı uelsli referi Saymon Li Evans idarə edəcək. H qrupunda artıq 1/16 finala hər iki vəsiqənin sahibi müəyyənləşib. Bu vəsiqələrə İtaliyanın “İnter” və Rusiyanın “Rubin” klubları yiyələnib. “Neftçi” – “Partizan” matçı isə qrupda 3-cü yerin sahibini müəyyənləşdirmək baxımından əhəmiyyətlidir. Hazırda hər iki komandanın aktivində 1 xal var. Bu xal onların elə özləri arasında Belqradda keçirilmiş görüşdə 0:0 hesablı heç-heçə nəticəsində əldə olunub. Həmin vaxt oyundan sonra “Partizan”ın oyunçuları “Neftçi”nin serbiyalı qapıçısı Saşa Stamenkoviçə qarşı kobud davranıblar və meydanda insident baş verib. İndi Serbiya komandasına layiqli cavab verməyin vaxtı çatıb.

Sonrakı oyunlarda “Neftçi” də, “Partizan” da uduzub. Amma daha az top buraxdığı üçün Azərbaycan təmsilçisi 3-cü pillədə qərarlaşıb. Serbiya komandası məhz sonuncu pillədən qurtulmaq üçün qələbə qazanmalıdır. Azərbaycan tarixində ilk dəfə avrokubokların qrup mərhələsində iştirak hüququ qazanan “Neftçi” də ilk qələbəyə imza atmağa köklənib.

Qeyd edək ki, “Rubin” və “İnter”dən əlavə, İ qrupundan Fransanın “Lion”, K qrupundan Almaniyanın “Bayer” və Ukraynanın “Metallist”, L qrupundan isə Almaniyanın “Hannover” klubları növbəti mərhələyə vəsiqə qazanıb.

A qrupu

22:00. “Anji” (Rusiya) – “Udineze” (İtaliya)
00:05. “Liverpul” (İngiltərə) – “Yanq Boyz” (İsveçrə)

B qrupu

00:05. “Atletiko” (İspaniya) – “Hapoel” (Təl-Əviv, İsrail)
00:05. “Akademika” (Portuqaliya) – “Viktoriya” (Çexiya)

C qrupu

00:05. “Borussiya” (Mönhenqladbax, Almaniya) - AEL (Kipr)
00:05. “Marsel” (Fransa) – “Fənərbağça” (Türkiyə)

D qrupu

00:05. “Nyukasl” (İngiltərə) – “Maritimu” (Portuqaliya)
00:05. “Brügge” (Belçika) – “Bordo” (Fransa)

E qrupu

00:05. “Styaua” (Rumıniya) – “Ştutqart” (Almaniya)
00:05. “Molde” (Norveç) – “Kopenhagen” (Danimarka)

F qrupu

00:05. PSV (Hollandiya) – “Dnepr” (Ukrayna)
00:05. AİK (İsveç) – “Napoli” (İtaliya)

G qrupu

22:00. “Videoton” (Macarıstan) – “Genk” (Belçika)
22:00. “Bazel” (İsveçrə) – “Sportinq” (Portuqaliya)

H qrupu

21:00. “Rubin” (Rusiya) – “İnter” (İtaliya)
21:00. “Neftçi” (AZƏRBAYCAN) – “Partizan” (Serbiya)

İ qrupu

22:00. “Sparta” (Çexiya) – “Lion” (Fransa)
“Hapoel” (Kiryat-Şmona, İsrail) – “Atletik” (İspaniya) matçı təxirə salınıb.

J qrupu

22:00. “Latsio” (İtaliya) – “Tottenhem” (İngiltərə)
22:00. “Panatinaikos” (Yunanıstan) – “Maribor” (Sloveniya)

K qrupu

22:00. “Metallist” (Ukrayna) – “Bayer” (Almaniya)
22:00. “Rusenborq” (Norveç) – “Rapid” (Vyana, Avstriya)

L qrupu

22:00. “Helsinqborq” (İsveç) – “Levante” (İspaniya)
22:00. “Hannover” (Almaniya) – “Tvente” (Hollandiya)

Qeyd edək ki, bütün oyunların başlama saatı Bakı vaxtı ilə göstərilib.