Topaz Premyer Liqası: “Qardaşlıq”dan derbiyə

Futbol üzrə Topaz Premyer Liqasında XIV tur matçlarının başlama saatı və yeri açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, həftəsonu keçiriləcək qarşılaşmalardan yarısı şənbə, yarısı bazar gününə təsadüf edəcək.

İlk oyun günündə “qardaş komandalar” sayılan “Simurq”la “İnter”in görüşü daha böyük maraq doğurur. Bu matç Zaqatala şəhər stadionunda saat 15:00-da baş tutacaq. Ertəsi gün isə “Bakı” və “Neftçi” paytaxt derbisində üz-üzə gələcək. “Bakı”nın təlim-məşq bazasında keçiriləcək oyun saat 14:20-də başlanacaq.

24 noyabr (şənbə)

14:00. “Kəpəz” (Gəncə) – “Xəzər Lənkəran”
Gəncə şəhər stadionu

14:00. “Qarabağ” (Ağdam) – “Turan” (Tovuz)
Bakı, Tofiq Bəhramov adına Respublika stadionu

15:00. “Simurq” (Zaqatala) – “İnter” (Bakı)
Zaqatala şəhər stadionu

25 noyabr (bazar)

14:20. “Bakı” – “Neftçi” (Bakı)
“Bakı” klubunun təlim-məşq bazasının stadionu

16:00. AZAL (Bakı) – “Sumqayıt”
Bakı, AZAL Arena

18:00. “Rəvan” (Bakı) – “Qəbələ”
Bakı, “Bayıl Arena”.