Çempionlar Liqası: 4-ü davam, 4-ü tamam – TURNİR CƏDVƏLİ

Lent.az-ın məlumatına görə, bunlar İspaniyanın “Barselona” və “Valensiya”, Ukraynanın “Şaxtyor” və Almaniyanın “Bavariya” klublarıdır.

“Barselona” Rusiya paytaxtı Moskvada “Spartak”ı 3:0, “Şaxtyor” isə Danimarkanın baş şəhəri Kopenhagendə “Nordşelland”ı 5:2 hesabı ilə darmadağın edib. “Valensiya” ilə “Bavariya” isə öz aralarındakı görüşdə “sülh”ə razılaşıblar – 1:1. Lakin hər iki klub F qrupunun paralel matçında BATE-nin Belarusda Fransa “Lill”inə 0:2 hesablı məğlubiyyəti nəticəsində növbəti mərhələyə vəsiqəni təmin edib.

Digər tərəfdən, “Nordşelland”ın E, “Lill”in F, “Spartak”ın G, “Braqa”sının isə H qrupunda sonuncu pilləni tutacaqları dəqiqləşib. Onlar hətta Avropa Liqasının 1/16 final mərhələsində mübarizəni davam etdirmək şanslarını itiriblər.

Türkiyə təmsilçisi “Qalatasaray” isə ən azı Avroliqadakı yerini təmin edib. İngiltərə “Mançester Yunayted”ini tarixində ilk dəfə məğlub edən “Cim-Bom” Çempionlar Liqasında H qrupunu ən azı 3-cü pillədə başa vuracağını dəqiqləşdirib. Lakin qrupun paralel matçında ÇFR-in Rumıniyada Portuqaliya “Braqa”sına 3:1 hesabı ilə qalib gəlməsindən sonra qrupda 2-ci yerin taleyi son tura qalıb.

Qeyd edək ki, daha öncə İngiltərənin “Mançester Yunayted”, İspaniyanın “Malaqa” və Portuqaliyanın “Portu” klubları da 1/8 finala yüksəlib.

E qrupu

“Yuventus” (İtaliya) – “Çelsi” (İngiltərə) – 3:0
Qollar: Fabio Kvalyarella, 38. Arturo Vidal, 61. Sebastyano Covinko, 90+1

“Nordşelland” (Danimarka) – “Şaxtyor” (Ukrayna) – 2:5
Qollar: Morten Norstrann, 24. Kasper Lorentsen, 29 - Luis Adriano, 26; 53; 81. Villian, 44; 50

N	Komandalar	O	Q	H	M	T	X
1.	Şaxtyor	5	3	1	1	12-7	10
2.	Yuventus	5	2	3	0	11-4	9
3.	Çelsi	5	2	1	2	10-9	7
4.	Nordşelland	5	0	1	4	3-16	1

5 dekabr: “Şaxtyor” – “Yuventus”, “Çelsi” – “Nordşelland”

F qrupu

BATE (Belarus) – “Lill” (Fransa) – 0:2
Qollar: Cibril Sidibe, 14. Canni Bruno, 31
Qırmızı vərəqə: Cibril Sidibe, 74 (“Lill”)

“Valensiya” (İspaniya) – “Bavariya” (Almaniya) – 1:1
Qollar: Sofian Fequli, 77 – Tomas Müller, 82
Qırmızı vərəqə: Antonio Barraqan, 33 (“Valensiya”)

N	Komandalar	O	Q	H	M	T	X
1.	Bavariya	5	3	1	1	11-6	10
2.	Valensiya	5	3	1	1	11-5	10
3.	BATE	5	2	0	3	8-11	6
4.	Lill	5	1	0	4	4-12	3

5 dekabr: “Lill” – “Valensiya”, “Bavariya” – BATE

G qrupu

“Spartak” (Moskva, Rusiya) – “Barselona” (İspaniya) – 0:3
Qollar: Daniel Alveş, 16. Lionel Messi, 27; 39

“Benfika” (Portuqaliya) – “Seltik” (Şotlandiya) – 2:1
Qollar: Ola Con, 7. Ezekil Qaray, 71 – Giorqos Samaras, 32

N	Komandalar	O	Q	H	M	T	X
1.	Barselona	5	4	0	1	11-5	12
2.	Benfika	5	2	1	2	5-5	7
3.	Seltik	5	2	1	2	7-7	7
4.	Spartak	5	1	0	4	6-12	3

5 dekabr: “Seltik” – “Spartak”, “Barselona” – “Benfika”

H qrupu

“Qalatasaray” (Türkiyə) – “Mançester Yunayted” (İngiltərə) – 1:0
Qol: Burak Yılmaz, 54

ÇFR (Rumıniya) – “Braqa” (Portuqaliya) – 3:1
Qollar: Ruy Pedru, 7; 15; 33 – Alan, 17
Qırmızı vərəqə: Duqlao, 45+1 (“Braqa”)

N	Komandalar	O	Q	H	M	T	X
1.	Mançester Yunayted	5	4	0	1	9-5	12
2.	Qalatasaray	5	2	1	2	5-5	7
3.	ÇFR	5	2	1	2	8-7	7
4.	Braqa	5	1	0	4	6-11	3

5 dekabr: “Mançester Yunayted” – ÇFR, “Braqa” – “Qalatasaray”.

Bombardirlər: Burak Yılmaz (“Qalatasaray”), Alan (“Braqa”), Lionel Messi (“Barselona”), Kriştianu Ronaldu (“Real Madrid”) – hamısı 5 qol.