Topaz Premyer Liqası: “Ev”dar sonluq – NƏTİCƏLƏR – TURNİR CƏDVƏLİ

Lent.az-ın məlumatına görə, turun son oyun günündə də meydan sahibləri qalib gəliblər.

“Qəbələ” autsayder “Kəpəz”in qapısından 2 top keçirib. Bu, baş məşqçi Ramiz Məmmədovun komandasının ardıcıl 3-cü qələbəsi olub. Onun gəncəli həmkarı Mahmud Qurbanov isə ardıcıl 6-cı matçda qələbəyə həsrət qalıb.

“Rəvan” isə AZAL-ı minimal hesabla yenib. Turun ən az qol vurulan oyunu məhz bu iki komanda arasında keçirilib. AZAL ardıcıl ikinci oyununu məğlubiyyətlə başa vurub. “Rəvan” isə ötən tur 0:4 hesabı ilə uduzduğu “Xəzər Lənkəran” və “təyyarəçilər”lə xallarını bərabərləşdirib.

Qeyd edək ki, turun bütün oyunları meydan sahiblərinin qələbəsi ilə başa çatıb.

19 noyabr (bazar ertəsi)

“Qəbələ” – “Kəpəz” (Gəncə) – 2:0
Qollar: Viktor Mendi, 61. Rəşad Abdullayev, 66-penalti ilə

“Rəvan” (Bakı) – AZAL (Bakı) – 1:0
Qol: Nuran Qurbanov, 85

18 noyabr (bazar)

“Bakı” – “Xəzər Lənkəran” – 2:0
Qollar: Xavyer Junior Vilson, 6. Edemir Rodrigez, 55

“Qarabağ” (Ağdam) – “Simurq” (Zaqatala) – 2:1
Qollar: Riçard Almeyda, 23. Elçin Süleymanov, 35-öz qapısına - Mario Bojiç, 61-penalti ilə

“İnter” (Bakı) – “Turan” (Tovuz) – 2:0
Qollar: Samir Zərgərov, 11. Baçana Tsxadadze, 55

17 noyabr (şənbə)

“Neftçi” (Bakı) – “Sumqayıt” – 8:1
Qollar: Nikolas Kanales, 7; 23; 45; 80. Culius Vobay, 11; 25. Cavid İmamverdiyev, 68. Bruno Bertuççi, 75 - Emin Cəfərquliyev, 28

N	Komandalar	O	Q	H	M	T	X
1	İnter	12	6	5	1	13-5	23
2.	Qarabağ	13	5	5	3	17-14	20
3.	Simurq	13	5	5	3	15-9	20
4.	Qəbələ	13	5	4	4	15-14	19
5.	Neftçi	10	6	0	4	24-13	18
6.	Xəzər Lənkəran	12	4	4	4	17-11	16
7.	Rəvan	13	4	4	5	13-18	16
8.	AZAL	12	4	4	4	16-13	16
9.	Turan	13	4	3	6	13-18	15
10.	Sumqayıt	13	3	4	6	11-26	13
11.	Bakı	11	2	7	2	10-8	13
12.	Kəpəz	13	2	3	8	8-23	9