Topaz Premyer Liqası: “Neftçi” yeni stadionda

Futbol üzrə Topaz Premyer Liqasında XIII turun oyunlarının başlama saatı və yeri açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, turun 6 qarşılaşmasından 5-i Bakıda keçiriləcək.

Onların arasında ilk dəfə 8-ci km stadionu Premyer Liqa matçı qəbul edəcək. Bu arenadan “Neftçi” klubu yararlanmağa başlayacaq. Flaqman turun açılış matçında “Sumqayıt”ı sınağa çəkəcək. Noyabrın 17-də keçiriləcək yeganə oyun saat 15:00-da başlanacaq.

Ertəsi gün daha 3 oyun olacaq. Onlar da paytaxtda keçiriləcək. Amma fərqli saatlarda başlanacaq. Noyabrın 19-da isə turun bölgədə baş tutacaq yeganə oyununda “Qəbələ” “Kəpəz”i qəbul edəcək. Bu matçın ardından “Rəvan” – AZAL görüşü ilə tura yekun vurulacaq.

17 noyabr (şənbə)

15:00. “Neftçi” (Bakı) – “Sumqayıt”
Bakı, 8-ci km.stadionu

18 noyabr (bazar)

14:00. “Bakı” – “Xəzər Lənkəran”
“Bakı” klubunun təlim-məşq bazasının stadionu

16:00. “Qarabağ” (Ağdam) – “Simurq” (Zaqatala)
Bakı, Tofiq Bəhramov adına Respublika stadionu

18:00. “İnter” (Bakı) – “Turan” (Tovuz)
Bakı, “Şəfa” stadionu

19 noyabr (bazar ertəsi)

14:00. “Qəbələ” – “Kəpəz” (Gəncə)
Qəbələ şəhər stadionu

16:00. “Rəvan” (Bakı) – AZAL (Bakı)
Bakı, Bayıl Arena stadionu.