Joze Mourinyodan Cüneyt Çakıra etiraz

İspaniyanın “Real Madrid” klubunun baş məşqçisi Joze Mourinyo Almaniyanın “Borussiya” (Dortmund) komandası ilə futbol üzrə Çempionlar Liqası matçında türkiyəli baş hakim Cüneyt Çakırın idarəçiliyindən narazı qalıb. Lent.az-ın məlumatına görə, 2:2 hesabı ilə başa çatan qarşılaşmadan sonra portuqaliyalı mütəxəssis Çakıra etirazını bildirib.

Mourinyo paltardəyişmə otağına gedən yolda referi ilə bu barədə danışıb. Baş məşqçi “TVE”nin “Hakimə nə dediniz?” sualını belə cavablandırıb: “Biz 3 təmiz qol vurduq. Hesab 3:2 olmalı idi”.

Qeyd edək ki, mübahisəli epizod ikinci hissənin əvvəllərində baş verib. Xose Kalyexo topu tora göndərsə də, Cüneyt Çakır “ofsayd” qeydə alaraq, qolu saymayıb.