Topaz Premyer Liqası: “Turan” və “Rəvan”dan sensasiya

Lent.az-ın məlumatına görə, Azərbaycanı Avropa Liqasında təmsil edən “Neftçi” Rusiyada “Rubin”ə minimal hesabla uduzduqdan sonra Bakıda “Rəvan”a yenilib.

“Bayıl Arena”da keçirilmiş qarşılaşmada flaqmanın qapısına 2 cavabsız top vurulub.

Daha bir sensasiya Qəbələdə eyniadlı komanda ilə Tovuzun “Turan” komandaları arasındakı görüşdə qeydə alınıb. Baş məşqçi Əfqan Talıbovun rəhbərliyi altında ilk matçında evdə AZAL-ı yenmiş “Turan” bu dəfə səfərdə “Qəbələ”ni məyus edib. Bununla da Tovuz təmsilçisi son 6 ildə ən yaxşı nəticəsini göstərib. İlk 10 matçda 13 xal toplayan qərblilər sonuncu dəfə 2005/2006-cı il mövsümündə belə uğurlu çıxış edib. Həmin vaxt “Turan” ilk 10 matçda hesabına 18 xal yazıb. Sonrakı 6 mövsümdə bu komanda 2 dəfə ilk 10 turu hətta qələbəsiz də başa vurub. Bu, 2008/2009 və 2010/2011-ci il mövsümlərində yaşanıb. Həmin vaxtlar startda müvafiq olaraq 3 və 4 heç-heçə əldə olunub. Ümumilikdə isə komanda startdakı 10 qarşılaşmanı 2006/2007-ci il mövsümünü 12, 2009/2010-u 11, 2011/2012-ni 10, 2007/2008-i 7 xalla tamamlayıb. “Turan”ın ən böyük uğuru isə 1993/94-cü il mövsümündəki Azərbaycan çempionluğudur.

28 oktyabr (bazar)

“Rəvan” (Bakı) – “Neftçi” (Bakı) - 2:0
Qollar: Nikolay Orlovski, 33. Xuan Manuel Varela, 77-penalti ilə

27 oktyabr (şənbə)

“Qəbələ” – “Turan” (Tovuz) – 0:1
Qol: Antonio Rukavina, 57

“Xəzər Lənkəran” – “Qarabağ” (Ağdam) – 2:0
Qollar: Dimitrios Sialmas, 36; 62

26 oktyabr (cümə)

“Bakı” – “İnter” (Bakı) – 0:0

“Simurq” (Zaqatala) – AZAL (Bakı) – 1:1
Qollar: Murad Səttarlı 90+4 – Ruslan Tağızadə 29

“Kəpəz” (Gəncə) – “Sumqayıt” – 0:0

	komandalar	o	q	h	m	t	x
1	Simurq	10	5	4	1	12-4	19
2	İnter	9	4	4	1	8-4	16
3	Qarabağ	10	3	5	2	12-11	14
4	Turan	10	4	1	5	10-13	13
5	AZAL	9	3	4	2	14-9	13
6	Rəvan	10	3	3	4	10-12	12
7	Neftçi	7	4	0	3	13-9	12
8	Xəzər L	9	3	3	3	12-8	12
9	Sumqayıt	10	3	2	5	9-17	11
10	Qəbələ	10	2	4	4	9-12	10
11	Bakı	8	1	6	1	7-6	9
12	Kəpəz	10	2	2	6	7-18	8