4 futbolçumuz Fransaya gedir
11 oktyabr 2012 18:20 (UTC +04:00)

4 futbolçumuz Fransaya gedir

“Bakı” futbol klubunun 4 futbolçusu yaxın vaxtlarda Fransanın “Lans” klubunun düşərgəsinə yollanacaq. Lent.az-ın məlumatına görə, seçilmiş oyunçular “Bakı”nın 1997-ci il təvəllüdlü futbolçulardan ibarət komandasının üzvləridir. Fransaya yollanacaq futbolçular bunlardır: hücumçu Valeh Seyidov, yarımmüdafiəçilər Ülvi Süleymanov, Azamat Qazzayev və Etibar Sayılov.

Bu futbolçular bir müddət əvvəl “Lans” klubunun nümayəndələri tərəfindən seçilib. Məşhur futbolçu olmuş Jan-Pyer Paenin başçılığı ilə Bakıya səfər etmiş fransız klubunun rəsmiləri yuxarıda adları qeyd edilmiş oyunçuları bəyənib. Yeniyetmə futbolçular oktyabrın 17-də Fransaya yola düşəcək.

Elşən Məmmədov
# 1064

Oxşar yazılar