"Azərbaycan-2012": Dünya çempionatının finalçıları bəlli oldu

Lent.az-ın Qol.Az-a istinadən məlumatına görə,finalçılar məlum olub.
Öncə meydana Fransa və Qana yığmaları çıxıblar. Hər hissədə bir qol vuran Fransa millisi turnirin finalına vəsiqə qazanan ilk komanda olub - 2:0.
Yarımfinalın digər görüşündə isə Şimali Koreya və Almaniya yığmaları münasibətlərinə aydınlıq gətiriblər. Bu görüşdə Koreya futbolçuları 2:1 hesabı ilə qələbə qazanıblar.
Beləliklə, oktyabrın 13-də keçiriləcək final oyununda Şimali Koreya və Fransa komandaları qarşılaşacaq. Oyun Tofiq Bəhramov adına Respublika stadionunda keçiriləcək.

9 oktyabr

Şimali Koreya - Almaniya - 2:1
Qollar: Kim So Hyanq, 39 (1:0), 47 (2:0), Rebekka Knaak, 59 (2:1)
Hakimlər: Umpierrez Claudia (Uruqvay), Weiler Nadia (Paraqvay), Mascarana Luciana (Uruqvay), Vitulano Carina (İtaliya), Romano Judit (İspaniya)
«8 KM» stadionu

Fransa - Qana - 2:0
Qollar: Diani, 31 (1:0), 89 (2:0)
Qırmızı vərəqə: Ayieyam, 52 (Qana)
Hakimlər: Samuels Cardella (Yamayka), Morisset Suzanne (Kanada), Perello Shirley (Honduras),
Arellano Alondra (Meksika), Zhang Lingling (Çin)
«8 KM» stadionu