DÇ-2012: İlk finalçı məlum oldu
09 oktyabr 2012 18:52 (UTC +04:00)

DÇ-2012: İlk finalçı məlum oldu

Azərbaycanda 17 yaşadək futbolçu qızlar arasında keçirilən dünya çempionatında ilk finalçı müəyyənləşib. Lent.az-ın məlumatına görə, bu, Fransa yığmasıdır.

Yarımfinal matçında Fransa Qananı məğlub edib – 2:0. Bakıdakı 8-ci km stadionunda baş tutmuş qarşılaşmada hər iki qolu Kadidiatu Diani vurub. O, 31-ci və 89-cu dəqiqələrdə fərqlənib.

Qeyd edək ki, digər finalçı saat 20:00-da eyni arenada başlanacaq KXDR – Almaniya matçının qalibi olacaq. Final və 3-cü yer uğrunda oyunlar oktyabrın 13-də Tofiq Bəhramov adına Respublika stadionunda keçiriləcək.
# 880

Oxşar yazılar