DÇ-2012: Cenifer qol vurmağına peşman oldu
05 oktyabr 2012 19:11 (UTC +04:00)

DÇ-2012: Cenifer qol vurmağına peşman oldu

Azərbaycanda 17 yaşadək futbolçu qızlar arasında keçirilən dünya çempionatında daha bir yarımfinalçı müəyyənləşib. Lent.az-ın məlumatına görə, bu, Almaniya milli komandasıdır.

Bundestim ¼ finalda Braziliyanı məğlubiyyətə uğradıb – 2:1. Bakıdakı 8-ci km stadionunda baş tutmuş qarşılaşmada hesabı 13-cü dəqiqədə braziliyalı futbolçu Cenifer açıb. Lakin 31-ci dəqiqədə almaniyalı Sara Debrits bərabərlik qolunu vurub. Hamı matçın taleyinin uzatma dəqiqələrinədək uzanacağını düşündüyü bir vaxtda Rebekka Knak səhnəyə çıxıb. O, əsas vaxta əlavə olunmuş 2-ci dəqiqədə vurduğu qolla Bundestimə qələbə qazandırıb.

Qeyd edək ki, yarımfinalda Almaniyanın rəqibi KXDR yığması olacaq. Oktyabrın 9-da 8-ci km stadionunda keçiriləcək oyun saat 20:00-da başlanacaq. Digər yarımfinal matçı həmin gün saat 17:00-a təyin olunub. Rəqib qismində isə Fransa ilə bu gün saat 20:00-da başlanacaq Yaponiya – Qana görüşünün qalibi üz-üzə gələcək.
1 2 3 4 5 İDMAN XƏBƏRLƏRİ
# 2478

Oxşar yazılar