Topaz Premyer Liqası: Təhqir olunmuş hakimə yeni təyinat

Futbol üzrə Topaz Premyer Liqasında VIII turun oyunlarına hakim təyinatları açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, ötən tur “Xəzər Lənkəran”ın müdafiəçisi Ruslan Abışova yanlış qırmızı vərəqə göstərdiyi təsdiqlənən referi Rəhim Həsənov yenidən təyinat alıb.

Həsənov qarşıdakı turun “Rəvan” – “İnter” matçının baş hakimi təyin olunub. Bu referi “Turan”la qarşılaşmada “Xəzər Lənkəran”ın daha bir müdafiəçisi Elnur Allahverdiyevi meydandan qovub. Allahverdiyev məhz Həsənova tüpürdüyü üçün 6 oyunluq cəzaya məruz qalmaqla yanaşı, Azərbaycan yığmasından da kənarlaşdırılıb.

3 oktyabr (çərşənbə)

18:30. AZAL (Bakı) – “Xəzər Lənkəran”
Hakimlər: Ağayev Əliyar, Musayev Elman, Məmmədov Rza, Yusifov Fariz
Bakı, “AZAL Arena”

4 oktyabr (cümə axşamı)

16:00. “Kəpəz” (Gəncə) – “Qarabağ” (Ağdam)
Hakimlər: Məmmədov Elçin, Ramazanov Rahil, Əliyev Nahid, Məmmədov İnqilab
Gəncə şəhər stadionu

18:00. “Simurq” (Zaqatala) – “Sumqayıt”
Hakimlər: Cabbarov Rauf, Əsədov Ramiz, Əliyev İsgəndər, Əhmədov Tahir
Zaqatala şəhər stadionu

16:00. “Bakı” – “Qəbələ”
Hakimlər: Salmanov Anar, Abbasov Yaşar, Haşımov Mübariz, Fərhadov Teymur
“Bakı” klubunun təlim-məşq bazasının stadionu

19:00. “Rəvan” (Bakı) – “İnter” (Bakı)
Hakimlər: Həsənov Rəhim, Abdullayev Munis, Əmiraslanov Knyaz, Feyzullayev Feyzulla
Bakı. “Bayıl Arena”.