Berti Foqts intizamsız futbolçunu yığmadan qovdu

Lent.az-ın məlumatına görə, yığmamızın baş məşqçisi Berti Foqts Allahverdiyevə göndərilmiş dəvəti ləğv edib.

Səbəb Topaz Premyer Liqasının VII turu çərçivəsində sentyabrın 29-da, Tovuz şəhər stadionunda keçirilmiş “Turan” – “Xəzər Lənkəran” oyunu zamanı müdafiəçinin idmançıya yaraşmayan hərəkətə yol verməsi və qırmızı vərəqə ilə cəzalandırılmasıdır.

Qeyd edək ki, AFFA İntizam Komitəsi Elnur Allahverdiyevi 6 oyunluq cəzaya, klubunu isə 5 min manat cəriməyə məruz qoyub.