Topaz Premyer Liqası: Paytaxt komandaları öz stadionlarına qovuşdu

Futbol üzrə Topaz Premyer Liqasında VIII tur matçlarının başlama saatı və keçiriləcəyi stadionlar açıqlanıb. Lent.az-ın Peşəkar Futbol Liqasının rəsmi saytına istinadən verdiyi məlumata görə, qarşıdakı turdan etibarən paytaxt komandaları rəqiblərini öz arenalarında qəbul edə biləcəklər.

Əvvəlki turlarda paytaxt stadionları 17 yaşadək qızlar arasında dünya çempionatı iştirakçılarının sərəncamında olub. Amma “Neftçi” - “Turan” matçı oktyabrın 8-də baş tutacaq. Çempionat oyunlarının keçirildiyi gün – oktyabrın 4-də flaqman İtaliya “İnter”i ilə Avropa Liqası görüşünə çıxacaq.

3 oktyabr (çərşənbə)

18:30. AZAL (Bakı) – “Xəzər Lənkəran”
Bakı, “AZAL Arena”

4 oktyabr (cümə axşamı)

16:00. “Kəpəz” (Gəncə) – “Qarabağ” (Ağdam)
Gəncə şəhər stadionu

18:00. “Simurq” (Zaqatala) – “Sumqayıt”
Zaqatala şəhər stadionu

16:00. “Bakı” – “Qəbələ”
“Bakı” klubunun təlim-məşq bazasının stadionu

19:00. “Rəvan” (Bakı) – “İnter” (Bakı)
Bakı. “Bayıl Arena”.