Topaz Premyer Liqası: 3 FİFA referisi “ofsayd”da

Futbol üzrə Topaz Premyer Liqasında VII tur matçlarına hakim təyinatları açıqlanıb. Lent.az-ın məlumatına görə, “İnter” – “Neftçi” matçı təxirə salındığından, hakimlər cəmi 5 oyuna yollanacaqlar.

FİFA referilərindən yalnız Fariz Yusifov oyun idarə edəcək. Ona “Qəbələ” – AZAL qarşılaşması tapşırılıb. Digər beynəlxalq dərəcəli futbol hakimləri Vüsal Əliyev və Anar Salmanov, eləcə də futzal üzrə FİFA referisi Elçin Məmmədov kənarda qalıb. Gənc referi Əliyar Ağayev isə lider “Simurq”la 3-cü pillədə qərarlaşmış “Qarabağ” arasındakı oyunu idarə edəcək. Qalan 3 görüş də gənc referilərə tapşırılıb.

29 sentyabr (şənbə)

16:00. “Turan” (Tovuz) – “Xəzər Lənkəran”
Hakimlər: Həsənov Rəhim, Musayev Vaqif, Zeynalov Zeynal, Məhərrəmov Ramiz
Tovuz şəhər stadionu.

16:00. “Qəbələ” – AZAL (Bakı)
Hakimlər: Yusifov Fariz, Hüseynov Namiq, Acalov Elşən, Məmmədov Orxan
Qəbələ şəhər stadionu.

18:00. “Simurq” (Zaqatala) – “Qarabağ” (Ağdam)
Hakimlər: Ağayev Əliyar, Musayev Elman, Məmmədov Rza, Məmmədov İnqilab
Zaqatala şəhər stadionu.

30 sentyabr (bazar)

16:00. “Sumqayıt” – “Bakı”
Hakimlər: Əsgərov Elvin, Ramazanov Rahil, Əliyev İlham, Məmmədov Elçin
Mehdi Hüseynzadə adına Sumqayıt şəhər stadionu.

20:00. “Rəvan” (Bakı) – “Kəpəz” (Gəncə)
Hakimlər: Cabbarov Rauf, Həsənov Coşqun, Əsgərov Azər, Əhmədov Ramil
Bakı, “Bayıl Arena”.