Atasının ölüm xəbərini eşidən futbolçu komandasına qalibiyyət qazandırdı

Portuqaliyanın “Porto” futbol klubunun kapitanı Luço Qonzales bütün oyunçulara peşəkarlıq dərsi verib. Lent.az xəbər verir ki, sentyabrın 18-də keçirilən “Dinamo” (Zaqreb) - “Porto” qarşılaşmasından bir neçə saat əvvəl Qonzales atasının vəfat etməsi barədə məlumat alıb. Bu xəbərdən sonra onun dünənki oyuna çıxmayacağını düşünənlər yanılıblar. Qonzales meydançaya kapitan kimi çıxıb və hətta qol da vurub. O, qolu atasına hədiyyə edib.