“Neftçi” Serbiyaya zədəli futbolçu apardı
18 sentyabr 2012 11:38 (UTC +04:00)

“Neftçi” Serbiyaya zədəli futbolçu apardı

“Neftçi” klubu futbol üzrə Avropa Liqasının qrup mərhələsində “Partizan”la ilk oyununu keçirmək üçün Serbiyanın paytaxtı Belqrada yola düşüb. Klubun mətbuat xidmətindən Lent.az-a verilən məlumata görə, çarter reysi ilə səfərə çıxan heyətdə özbəkistanlı hücumçu Bahodir Nasimov da yer alıb.


Lakin Nasimov meydana çıxmayacaq. Zədəsi tam sağalmayan forvard oyunu tamaşaçı qismində seyr edəcək. Heyətdə başqa itki yoxdur.

Serbiya paytaxtında “Neftçi”nin 2 məşqi olacaq. Bunlardan biri elə sentyabrın 18-də, digəri isə ertəsi gün baş tutacaq.

Qeyd edək ki, sentyabrın 21-ə keçən gecə Bakı vaxtı ilə 00:05-də başlanacaq “Partizan” – “Neftçi” matçını çexiyalı referi Libor Kovarik idarə edəcək.
# 1151

Oxşar yazılar