Türk futbolunun acı günü: 26 yaşlı futbolçu öldü

Türkiyə superliqasında çıxış edən “Əskişəhərspor” klubunun 26 yaşlı futbolçusu Ediz Bəxtiyaroğlu qəfil ölüb. Lent.az-ın htspor.com saytına istinadən verdiyi məlumata görə, gənc futbolçunun səhhəti anidən pisləşib və o, dünyasını dəyişib. Klubun rəsmi saytında yerləşdirilmiş məlumatda bildirilir ki, E.Bəxtiyaroğlu bu gecə vəfat edib. Klub futbolçunun ölümüm səbəbi ilə azarkeşlərə, onun doğmalarına, bütün futbolsevərlərə başsağlığı verib.

Qeyd edək ki, E.Bəxtiyaroğlu Bosniyalıdır. O, bu yay kluba transfer olunub. Məsələ ilə bağlı detallı məlumat gün ərzində veriləcək.