“Mançester Yunayted” daha bir hücumçu aldı

İngiltərənin “Mançester Yunayted” klubu daha bir futbolçu transferini həyata keçirib. Lent.az-ın məlumatına görə, “qırmızı şeytanlar” Çilinin “Universidad” komandasının 18 yaşlı hücumçusu Anxelo Enrikeslə uzunmüddətli müqavilə bağlayıb.

Bu keçid Premyer Liqa təmsilçisinə 4 milyon funt sterlinqə başa gəlib.

Qeyd edək ki, Anxelo Enrikes ötən mövsüm “Universidad”a Çili çempionatında 16-cı çempionluğu qazanmaqda yardımçı olub. O, 17 matçda 11 qol vurub. Enrikes bu il ilk dəfə Çili yığmasına çağırılıb. “Mançester Yunayted” daha öncə İngiltərə “Arsenal”ının hollandiyalı hücumçusu Robin van Persini alıb.