Azərbaycanın 26 medalı, 6 olimpiya çempionu - STATİSTİKA

Lent.az-ın məlumatına görə, bu dəfə 10 medal güləş, boks və ağırlıqqaldırma növlərində əldə edilib.

Bu medalların əhəmiyyətli hissəsinə güləşçilərimiz sahib olublar. Həm 2 qızıl, həm də 2 gümüş medala məhz pəhləvanlarımız yiyələnib. Bürünc medallardan daha 3-ü güləşçilərimizin aktivinə yazılıb. Boksçularımız 2 bürünc medal əldə etdiyi halda, daha 1 bürünc medal ağırlıqqaldıranımıza qismət olub.

Müstəqil ölkə kimi qatıldığımız 5 olimpiadanın hamısında güləşçilərimiz müxtəlif əyarlı medallara sahib olublar. Yalnız ilk olimpiada istisna olmaqla, sonrakı 4-dən boksçularımız medalsız qayıtmayıb. Lakin onların medalının əyarı yalnız bürünc olub. Ardıcıl 2 olimpiadada atıcılıq növündə qızıl və bürünc medallar qazanılıb. Cüdoçularımız yalnız Pekində qızıl və bürünc medal əldə ediblər. Londonda isə ilk dəfə ağırlıqqaldırma növündə bürünc medal qazanılıb.

Beləliklə, Azərbaycanın olimpiadalarda üst-üstə 5 növ - güləş, boks, atıcılıq, cüdo və ağırlıqqaldırma üzrə 26 medalçısı var. Onlardan 6-sı olimpiya çempionu, 5-i olimpiya vitse-çempionu, 15-i isə bürünc mükafatçıdır.

Atlanta-1996

Gümüş: Güləş (sərbəst) – Namiq Abdullayev (52 kq)

Sidney-2000

Qızıl: Güləş (sərbəst) – Namiq Abdullayev
Qızıl: Atıcılıq (stend) – Zemfira Mehtahəddinova
Bürünc: Boks – Vüqar Ələkbərov

Afina-2004

Qızıl: Güləş (yunan-Roma) – Fərid Mansurov
Bürünc: Atıcılıq (güllə) – İradə Aşumova
Bürünc: Atıcılıq (stend) – Zemfira Mehtahəddinova
Bürünc: Boks – Ağası Məmmədov
Bürünc: Boks – Fuad Aslanov

Pekin-2008

Qızıl: Cüdo – Elnur Məmmədli
Gümüş: Güləş (yunan-Roma) – Rövşən Bayramov
Gümüş: Güləş (yunan-Roma) – Vitali Rəhimov
Bürünc: Cüdo – Mövlud Mirəliyev
Bürünc: Güləş (qadın güləşi) – Mariya Stadnik
Bürünc: Güləş (sərbəst güləş) – Xetaq Qazyumov
Bürünc: Boks – Şahin İmranov

London-2012

Qızıl: Güləş (sərbəst) – Toğrul Əsgərov
Qızıl: Güləş (sərbəst) – Şərif Şərifov
Gümüş: Güləş (yunan-Roma) – Rövşən Bayramov
Gümüş: Güləş (qadın güləşi) – Mariya Stadnik
Bürünc: Güləş (yunan-Roma) – Emin Əhmədov
Bürünc: Güləş (qadın güləşi) – Yuliya Ratkeviç
Bürünc: Güləş (sərbəst güləş) – Xetaq Qazyumov
Bürünc: Boks – Teymur Məmmədov
Bürünc: Boks – Məhəmmədrəsul Məcidov
Bürünc: ağırlıqqaldırma – Valentin Xristov.