100 pişik yemindən 99-da qurğuşun aşkarlanıb.
Lent.az xarici mediaya istinadla xəbər verir ki, araşdırma zamanı 62 markaya aid 100 yem nümunəsi 122 potensial zərərli maddənin mövcudluğuna görə yoxlanılıb.
Nümunələrin 99 faizində qurğuşun, 96 faizində kadmium, 94 faizində isə arsen müəyyən edilib.
Balıq tərkibli yemlərdə civənin orta miqdarı digər zülal mənbələri əsasında hazırlanan yemlərlə müqayisədə təxminən 18 dəfə yüksək olub.
Bununla belə, müəlliflər nəticələrin həmin yemlərin mütləq təhlükəli olduğu anlamına gəlmədiyini vurğulayıblar. Araşdırmada aşkarlanan maddələrlə heyvanlarda xəstəliklərin yaranması arasında konkret əlaqə müəyyən edilməyib. Həmçinin hər məhsulun yalnız bir istehsal partiyası yoxlanılıb.
Məlumata görə, ağır metallar və digər qarışıqlar yemə torpaq və sudan xammal vasitəsilə, eləcə də emal və qablaşdırma zamanı keçə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
